Frekvensumsiting

Virksemi á frekvensumsitingini (fyrr Radiodeildin) var inntil 31. desember 2001 framt við heimild í sáttmála millum Telestyrelsen i Danmark og Fjarskiftiseftirlitið nevndur "Aftale om administrationen af radiokommunikationsloven" við gildi frá 1. januar 1999. Tann 1. januar 2002 var økið undir føroyskum lóggávuvaldi og skipað í fjarskiftislógini og liggja uppgávurnar undir Radioeftirlitsdeildini hjá Fjarskiftiseftirlitinum.

Radioeftirlitsdeildin hevur um hendi umsiting av frekvens (tíddar)- og radioloyvum til:

  • Fjarskiftisveitarar
  • Bátar / Skip / Flogfør
  • Radiostøðir á landi
  • Áhugavarparar

Frekvensdeildin hevur eftirlit við hesum radiostøðunum eins og avlurting (monitering) av frekvensum (tíddum), peiling av radioórógvi o.ø.

Deildin umsitir, próvdømir og útskrivar siglinga radiopróvbrøv til navigatørar.

Endurnýggjan av GOC-radiopróvbrøvum verður umsitin av Sjóvinnustýrinum.